“Багш шавийн барилдлага” сэдэвт сонирхолтой лекцэнд урьж байна

Монгол улсын ардын багш, шинжлэх ухааны доктор, профессор Ц. Өнөрбаян багшийн “Багш шавийн барилдлага” сэдэвт сонирхолтой лекцэнд урьж байна

Хэзээ: 2017.12.07  18:00

Хаана: ШУТИС-ийн төв байрны Урлаг заал

Лекцийн сэдэв: “Багш шавийн барилдлага” 

Илтгэгч: МУБИС-ийн Монгол судлалын төвийн захирал, шинжлэх ухааны доктор, профессор, МУ-ын гавьяат багш, ардын багш Ц.Өнөрбаян  

Оролцогч: ШУТИС-ийн багш, оюутнууд    

Ц.Өнөрбаян багш Монгол улсын дээд боловсролын байгууллагад 50 орчим жил багшилж, олон мянган судлаач, эрдэмтэн, багш сурган хүмүүжүүлэгчдийг төрүүлэн гаргах их үйлсэд хувь нэмрээ бахархам оруулж яваа Монгол судлал, хэл шинжлэлийн нэрт эрдэмтдийн нэг билээ. Тэрбээр 2000 онд Монгол Улсын гавьяат багш цолоор шагнуулж, 2009 онд Английн Кэмбрижид төвтэй Дэлхийн намтар судлалын нийгэмлэгээс олгодог “Дэлхийн тэргүүлэгч сурган хүмүүжүүлэгч” цолыг хүртсэн.   

Ц.Өнөрбаян багш бээр энэхүү лекцээрээ багш шавийн барилдлага гэж юу болох, багш хүн, шавь хүн гэж хэнийг хэлэх, ямар шинж чанарыг өөртөө агуулж нэгдсэн зорилгод хүрдэг талаар дорно дахины ухааны үүднээс тайлбарлан өгүүлэх болно. Багш нь шавиа энэрэн хайрлаж, чин сэтгэлээр номын үндсийг сургах, шавь нь багшаа хүндэтгэн биширч, хичээнгүй шударгаар ном заалгадаг нь Монголын уламжлалт ёс юм.   

 ГХИ-ийн БХБ

ШУТИС-ийн БХТ

ШУТИС-ийн ОСҮА